Breza Cecchini pinta la poesía de San Juan de la Cruz

L’artista asturiana Breza Cecchini inauguraba esti xueves esposición na tercer planta del Muséu Barjola de Xixón, pintando la poesía de San Juan de la Cruz.

El Muséu Barjola inauguraba esti xueves esposición. ‘Por ventura un nun sé qué‘ ye’l títulu de la propuesta artística de l’asturiana Breza Cecchini Ríu (Uviéu, 1976), qu’atopó inspiración en San Juan de la Cruz. El poema ‘Glosa a lo divino’ ye la escusa cola que reforzar los llazos siempres apasionaos y apasionantes ente la pintura y la poesía. De la unión de dambos llinguaxes, de la busca de lo onírico y lo espiritual, surden les obres de Breza Cecchini, qu’escoyó la tercer planta del muséu xixonés pa poneles ante la mirada pública.

Esta polifacética artista presenta una selección de les sos últimes obres, qu’apurren esi ánimu de tescender los pinceles pa dir más allá y enfusase n’otros territorios. Porque, como apunta la comisaria de la esposición, Natalia García, pa la ceadora l’arte «naz como una lluz divino pa los místicos, ye una actu emocional por excelencia buscando salvar l’alma por aciu un xestu más allá de lo terrenal». Pa l’artista, l’arte y l’arte de vivir son la mesma cosa.

Busca Breza Cecchini capta la guapura y nesa misión toles ferramientes son válides. Frecuenta la pintura, pero tamién dedica’l so tiempu a la estampación, les artesaníes y la etnografía. Esos son los llinguaxes que frecuenta dende siempres, desque se formó na Escuela d’Arte d’Uviéu n’escultura y grabáu, y más tarde, cuando s’empecipió na pintura na Fundación Santa María de Albarracín xuntu con el profesores de la Facultá de Belles Artes de la Complutense y mientres un procesu creativu que lu hai lleváu a protagonizar esposiciones individuales y participar tamién de delles amueses colectives. Espaciu Líquidu, Texu, Llaboral Centru d’Arte y Creación Industrial son dalgunos de los espacios nos hanse vistu les sos creaciones, según feries como DeArte, Estampa o Arcu. Tamién en Bélxica y en Lorient amosó la so obra, premiada en delles ocasiones y que forma parte de colecciones tanto públiques como privaes.