Avilés convoca un concursu d’idees y proyectos p’arriquecer la Nueche Blanca 2022 d’Avilés

La conceyalía de Cultura d’Avilés vieno acaban te convocar un concursu d’idees y proyectos p’arriquecer el programa de la Nueche Blanca 2022 n’espacios como los balcones d’edificios emblemáticos d’Avilés, escaparates d’establecimientos comerciales o los parques.

Avilés concibe la Nueche Blanca como una manifestación cultural gratuita y abierta a tola población, que ruempe les barreres ente artistes y públicu, sacando l’arte a la cai. Incidiendo nesta idea, llanza un concursu d’idees y proyectos artísticos que van arriquecer el programa de la próxima edición, el 10 de xunu.

La Nueche Blanca celebra’l solsticiu de branu y la llegada de la estación de la lluz, el Beltaine celta. Un proyectu movilizador convertíu nun acontecimientu creativo y popular, que gracies a esta novedosa convocatoria algama xuna nueva dimensión participativa.

Van poder presentase toles persones físiques mayores d’edá, artistes, colectivos, asociaciones, entidaes, sociedaes, grupos, asociaciones xuveniles, peñes y ONGs, que tengan idees y proyectos d’acción pública y gratuita, en tou tipu de manifestaciones artístiques (artes visuales, musicales, escéniques, arquitectura, diseñu, lliteratura, acción social, etcétera) que puedan construyise, realizar o desencadenar mientres la Nueche Blanca d’Avilés, a partir de les 17.00 hores.Les idegues van llevase a cabu n’espacios como los balcones d’edificios emblemáticos d’Avilés, escaparates d’establecimientos comerciales, los parques de Les Meanes y El Carbayedo, les places de José Martí, Hermanos Orbón y Santiago López, el Teatru Palacio Valdés, o les distintes zones piatonales de la ciudá.

Coles mesmes, van almitise propuestes pa espacios y sales dependientes de la Fundación Municipal de Cultura, según en places, cais o parques distintos a los mentaos, o en sales o espacios non dependientes de la Fundación, siempres y cuando se cunte col consentimientu de propietarios y xestores. Tamién podrán ufiertase proyectos itinerantes.

Más información