Arturo Fernández despídese del Xovellanos con “La montaña rusa”

Güei, vienres 9, a les ocho y media, Arturo Fernández y el restu de la so compañía, van facer la representación cabera de “La montaña rusa”, en Xixón. Tres clásicos como “Smokin” o “Desconcierto” (escritos pa él por Santiago Moncada), Arturo Fernández toma nesta ocasión una pieza orixinal d’Eric Assous, l’autor de “Les pontes de Madison”, pal teatru, que llega de Francia con ésitu atayante ya interpretación al cargu d’Alain Delon.

“La montaña rusa” ye la hestoria d’un trunfador maduru, un home de reputación impecable, posición social envidiable, fiel por puru vezu… Y teniéndolo too comete dos erros: tener una aventura sexual y dexar qu’ésta importe. Comprensible’l primeru, imperdonable’l segundu. Carmen del Valle (ganadora en 2006 d’un Max a la meyor actriz secundaria por La Celestina, obra na que compartía escenariu con Nuria Espert) encárgase de dar vida y matices a la moza pola que los erros paguen la pena.

Arturo Fernández diz de la obra: “La montaña rusa ye, ensin esaxerar, la meyor comedia que pasó peles mios manes, inclusive creo poder afirmar que ye la meyor obra nesti xéneru”.