Andecha Astur xúnese a la plataforma “Los Pueblos Tenemos la Pallabra”

Andecha Astur xúnese a formaciones independentistes y soberanistes del estáu pa “sofitase mutuamente énte los ataques del Estáu y a dar puxu a procesos costituyentes pa facer posible’l francimientu democráticu”.

Formaciones independentistes y soberanistes d’estremaes naciones y pueblos del Estáu dan  sigún Andecha Astur un pasu más cara a l’articulación d’un “espaciu de collaboración político” que permita, per un llau, facer frente a los ataques del Estáu, en particular escontra’l procesu catalán, y d’otra “amestar fuercies” en favor de dos oxetivos: el francimientu democráticu col réxime que consagra la Costitución española de 1978 y l’apertura de procesos costituyentes, “radicalmente sociales y democráticos” nes naciones.

Xuntu con Andecha Astur, ERC, BNG, CUP, EH Bildu, Mes x Mallorca, IzCa, Unidad del Pueblo, Puyalon de Cuchas son les formaciones que roblaren el sopelexu, entituláu «Los pueblos tenemos la pallabra ». El pronunciamientu acompangaráse d’estremaos actos y movilizaciones el 6 d’avientu, y la participación nel manifestamientu convocáu por EH Bildu p’amosar la refuga a la Costitución Española.