Portada Conceyos Xixón homenaxeó a Jean-Pierre Darmendrail pola so contribución a la memoria democrática

Xixón homenaxeó a Jean-Pierre Darmendrail pola so contribución a la memoria democrática

by redacción asturnews

El Conceyu de Xixón rindió la selmana pasada homenaxe al francés Jean-Pierre Darmendrail pola so contribución al espardimientu de la memoria democrática. Miembru d’Asociaciones como ‘Ai Carmela’ o ‘Antiguos guerrilleros españoles en Francia’, Darmendrail defendió la conocencia del esiliu republicanu español, especialmente’l de la so ciudá, Burdeos.

Nel actu d’entrega de la reconocencia, celebráu esti xueves, 16 de febreru, nel Salón de Recepciones, participó la concejala Salomé Díaz Toral, quien señaló qu’esti ye ‘un homenaxe para quien protexeron la nuesa hestoria’.
Cuntó cola presencia de la presidenta de l’Asociación ‘Ai Carmela’ en representación del homenaxáu, Anne Marie Lefumat, y cola integrante de la mesma Janine Molina. En nome del Grupu Eleuterio Quintanilla, tamién participaron Rosa Calvo y Enriqueta Ortega.

Per otru llau, nel actu púnxose en valor la donación de documentos vitales como un salvoconducto o cuatro cartes, que la familia del xixonés Emilio Álvarez Mongil, deportáu al campu de concentración de Buchenwald, donó. L’archiveru municipal, Eduardo Núñez, destacó la importancia de caltener esta donación de los papeles porque ye la hestoria d’una persona que vivió la guerra civil, la fuxida o l’esiliu, la hestoria d’un país enteru.

Tamién te podria gustar