Portada Plástiques Abierta la esposición “Emigrantes Invisibles: Españoles n’EEXX, 1868-1945”

Abierta la esposición “Emigrantes Invisibles: Españoles n’EEXX, 1868-1945”

by redacción asturnews

La Sala 2 del Centru de Cultura Antiguu Institutu acueye hasta’l  6 de febreru, la primer esposición dedicada a la hestoria de la emigración española a Estaos Xuníos mientres les décades finales del sieglu XIX y primeres del XX, una inmensa epopeya colectiva apenes conocida hasta la fecha.

‘Emigrantes invisibles. Españoles n’EE.XX. (1868 – 1945)’, rescata del  olvidu la hestoria de la emigración española a EE.UU  mientres les décades finales del sieglu XIX y primeres del XX. Con más de 300 fotografíes, documentos y oxetos procedentes d’álbumes familiares de descendientes d’emigrantes españoles, arrexuntaos mientres más d’una década d’investigación por polos comisarios de l’amuesa, el catedráticu de la New York University James D. Fernández –que los sos güelos emigraron dende la pequena parroquia de Pillarno (Castrillón) a Nueva York— y el periodista y cineasta asturianu Luis Argeo –venceyáu igualmente a esta emigración—.

Tres el so pasu per Madrid, la esposición empecipia la so etapa itinerante n’Asturies gracies al alcuerdu de collaboración algamáu ente la Fundación Consejo España – EE.XX. y la Fundación Municipal de Cultura, Educación y Universidá Popular del Conceyu de Xixón/Xixón.

Nel Centru de Cultura Antiguu Institutu Hasta’l 6 de febreru de 2022.

Tamién te podria gustar