La maxa de la memoria, en “Alcordances”, nueva función gratuita de Teatru Familiar en Los Canapés

La maxa en redol a la memoria, un viaxe de fantasía y diversión, ye la segunda propuesta del Teatru Familiar d’Avilés de marzu, con “Alcordances”, que podrá esfrutase esti vienres 19 de marzu nel Centru Cultural de Los Canapés a les 18 hores.

Ye “Alcordances” un cuentu fantásticu sobro la intelixencia emocional. Una creación d’Adrián Conde, que la interpreta, y Pep Vila, que la dirixe, nun viaxe autobiográficu al traviés de la memoria, na hestoria de Marcelino, coleicionista d’alcordances, les sos ayalgues más preciaes, que guarda, ordena, clasifica, curia, protexe…

Una producción d’Adrián Conde, ilusionista, productor y director arxentín, y Yuju Espectáculos, con entrada gratuita, que pueden recoyese na taquilla del Centru Cultural de Los Canapés, teniendo de facilitar nel momentu los datos personales (nome completu, DNI y teléfonu) de los asistentes. L’aforu ye llindáu.

Conforme a les midíes de protección sanitaria, va ser obligatoriu l’usu de mázcaru, y va caltenese la distancia de seguridá. Coles mesmes, van esistir puntos con xel hidroalcohólico a disposición del públicu, y va ser imprescindible cumplir y respetar les indicaciones realizaes pol personal del centru, especialmente les entraes y la salíes del mesmu.