Medicina caltien la nota de corte más alta y dexa a 1.918 persones n’espera

Medicina caltien la nota de corte más alta y dexa a 1.918 persones n’espera
21 xunetu 12:55 2018 Imprimir

El primer añu nel que toles titulaciones de la aUniversid d’Uviñeu  tienen ‘numerus clausus’, Medicina caltien la nota de corte más alta y dexa a 1.918 persones n’espera, de los 8.600  que se preinscribieron, dos mil más qu’en 2017. 

Una pequena diferencia centesimal, pa la mayoría intrescendente ye la diferencia ente unproyeutu de vida y otru. La nota de corte de Medicina baxó del 12,840 del añu pasáu a un 12,828. Tou un mundu, pa dalgunos de los 150 afortunaos que van poder cursar el grau na Universidá d’Uviéu. Quixeron faelo 2.775 alumnos, de los que 1.918 nun formalizaron otra matrícula y permanecen na llista d’espera. Enagora, Medicina sigue siendo la carrera col ‘numerus clausus’ más altu, anque la de Biotecnoloxía, Odontoloxía, el doble grau de Matemátiques y Física o Enfermería siguir bien de barganal y esixan, tamién, xuna calificación cimera a dolce p’aportar a los sos estudios. Coles mesmes, ye difícil algamar la nota necesaria pa entrar en Física, Fisioterapia o Matemátiques, percima del once.

Unos 8.600 alumnos presentaron so preinscripción na Universidá asturiana, más de 2.000 más que l’exerciciu anterior. El motivu ye que’l cursu 2018-2019 cuenta, per primer vegada, con nota de corte en toles titulaciones. Anque dalgunes asítiense nel cinco ralláu o mui cerca del aprobáu simple. Cada alumnu puede solicitar plaza en más d’una carrera, polo que’l númberu de solicitúes recibíes rondó les 25.000. En publicando ayeri les llistes d’almitíos, la Universidá informó de que los estudiantes que llograren una plaza en dalguna de les titulaciones tendrán de realizar la so matrícula del 19 al 23 de xunetu. El plazu piésllase a les dos de le d’esti llunes. Quien nun la formalice nel periodu indicáu va dexar la plaza llibre pa la siguiente axudicación. Per otru llau, hasta’l 31 d’agostu, sigue abiertu’l periodu de matrícula pa siguir estudios yá empecipiaos.

 

  Categories: