Los Rolling Stones amenacien con denunciar a Trump si usa los sos cantares

Los Rolling Stones alvirtiéron-y al presidente d’Estaos Xuníos, Donald Trump, que nun utilice los sos cantares nos sos mítines y que, si sigue faciéndolo, va tener qu’enfrentase a acciones llegales. La campaña del presidente usó’l cantar ‘You Can’t Always Get What You Want’ nel so últimu mitin de Tulsa.

La campaña de Trump utilizó’l cantar ‘You Can’t Always Get What You Want’ nel so últimu mitin de Tulsa, en Oklahoma, anque yá lo fixo una primer vegada nun mitin de 2016.

Un comunicáu de la banda, publicáu pola prensa norteamericana, diz que punxo yá l’asuntu en manos del so equipu llegal y que tán en contactu cola asociación internacional que protexe los derechos d’autor, BMI, por que nun siga l’usu ensin autorizar per parte de Trump del cantares de Rolling Stones. “Esta podría ser la última vegada que’l presidente Donald Trump utiliza cantares de los Stones”, diz un comunicáu de la banda citáu pol diariu ‘Deadline’, especializáu n’informaciones sobro Hollywood y el mundu del entretenimientu. “A pesar de les directives de cese y desistimiento de Donald Trump nel pasáu, los Rolling Stones tán tomando midíes adicionales pa torgar qu’utilice los sos cantares nel futuru en cualesquier de les sos campañes polítiques”, alverten.

“L’equipu llegal de los Stones ta trabayando con BMI. BMI echó voz de a la campaña de Trump en nome de los Stones que l’usu ensin autorizar de los sos cantares va constituyir una violación del so alcuerdu de llicencia. Si Donald Trump ignora la esclusión y persiste, va enfrentar a una demanda por reproducir música de manera ensin autorizar”, diz el comunicáu. Nun tuit de 2006, la banda yá dixo que nun sofitaben a Donald Trump.

Nun ye la primer vegada que’l presidente Donald Trump tien problemes por utilizar cantares nos sos mítines y de manera ensin autorizar polos autores. La familia de Tom Petty, muertu en 2017 por sobredosis, alvirtió al presidente Trump que nun utilizara “I Won’t Back Down” nel mitin de Tulsa. N’un tuit la familia de Petty consideró que, amás de nun ser autorizáu, el cantante nunca querdría qu’el so cantar fora utilizada “nuna campaña d’odiu”.