L’Alcalde d’Uviéu autoriza la celebración del Martes de Campu

Esti martes van repartise nel Campu San Francisco 6.700 bollos preñaos y otres tantes botelles de vinu blanco “de pasáu’l monte”.

Como ye tradición, l’alcalde d’Uviéu, Wenceslao López, dio permisu la fin de selmana pasada al Heraldu de la Sociedá Protectora de La Balesquida pa qu’esti martes día 6, pueda celebrase el Martes de Campu. El rexidor tuvo acompañáu nel balcón municipal pol conceyal de Cultura, Roberto Sánchez Ramos, la conceyala Andrea Álvarez y el presidente de la entidá organizadora de la fiestes, José Antonio Alonso.

La Cabalgata del Heraldu tuvo como novedá anguaño un mayor númberu de participantes: Cabezudos, titiriteros, un numberosu grupu de persones afatiaes con prendes medievales, la banda de gaites Vetusta y el grupu folclóricu Hedra acompañaron al mensaxeru y al so caballu blancu poles cais del Antiguu dende les 12:30 hores.

El programa d’actividaes de les fiestes va rematase esti martes día 6, cola repartida de 6.700 bollos preñáivos y otres tantes botelles de vinu blanco “de pasáu’l monte” nel Campu San Francisco.  Puede consultar el programa d’actividaes equí.