Tradición, música, confraternización y cultura tomen Avilés nes Fiestes d’El Bollu 2023

Lleguen les Fiestes d’El Bollu 2023. Trés díes de confraternización, cultura y música, parte fundamental de l’alma d’Avilés que, con un anticipu’l próximu sábadu, 1 d’abril, nel que se van presentar a la Xana, la Xanina y les Dames d’Honor, van celebrase’l 8, 9 y 10 d’abril, sábadu, domingu y llunes de Pascua.

Les fiestes foron presentaes esta selmana por Yolanda Alonso, conceyala de Cultura y Promoción de Ciudá d’Avilés, y Nuria Delmiro, concejala de Deportes, acompañaes por César Martínez Coto, vicepresidente de l’Agrupación Polifónica Centru Asturianu, el secretariu Felipe Arabia y unu de los sos vocales, Luis Junquera, amás de Che Fernández, autora del cartelu d’esta edición.

Destacó Alonso cómo “estes fiestes, tan íntimamente xuníes a la nuesa identidá, axunten tradición y vanguardia, calteniendo l’espíritu d’acoyida que se reflexa na Comida na Cai, y nes que l’asturianía exercese col exemplu, como los conciertos que programemos”.

Estimó Alonso a tolos invitaos la so presencia n’Avilés. Como al productor audiovisual José Velasco, nacíu n’Avilés y que’l so prestíu al frente del grupu independiente iZen tesciende les fronteres españoles. Responsable de producciones como “El Cid” para Amazon Originals; “Insiders”, para Netflix; o clásicos como “Gran Hermanu” o “Inocente Inocente”, torna a la so casa, y va lleer el pregón que va oficializar l’empiezu de les fiestes dende la plaza d’España, tomando’l relevu de l’actriz Rossy de Palma.

Recordó Alonso la trayectoria de Velasco, que “vivió la so infancia equí, n’Avilés. Los sos padres vinieron de Llangréu nos años sesenta, cuando empezó a aprucir una clase trabayadora gracies a Ensidesa, y foron los dueños de comercios bien recordaos na ciudá, como Establecimientos Velasco, en Ruiz Gómez, y Muebles Velasco, en San Bernardo”.

Una invitación a dar el pregón que va dar empiezu a les fiestes de la primavera, que tien un porqué bien claro, como resaltó la concejala: “Creemos que ye bien importante rindir homenaxe a les persones que saliendo d’equí, de ese Avilés industrial, ese Avilés obreru, de ese Avilés que crecía, de ese Avilés con suaños, fixeron una carrera profesional y empresarial bien importante”.

Estimó tamién Alonso a los músicos José Manuel Texedor, Anabel Santiago y Bras Rodrigo, que van poner banda sonora a les tardes y les nueches, y a la ceadora del cartelu d’esta edición y la so chisgo a la Comida na cai, l’artista avilesina Che Fernández, profesora de grabáu de la Factoría Cultural.

Más información