La XDLA convoca una manifestación pal día 25 delantre la Xunta Xeneral

Nuna acción reivindicativa que quier sacar los colores a la clas política asturiana, la Xunta pola Defensa de la Llingua (XDLA) amosó esti día la so indignación polo que considera que ye “una tomadura de pelo”: nun poder usar l’asturianu na Xunta y convocó una manifestación pal día 25

El voceru de la Xunta pola Defensa de la Llingua, Carlos Pulgar, señaló nel trescurrir de l’acción que “ye una tomadura de pelo absoluta que nun se pueda usar l’asturianu na Xunta Xeneral, cuando ta reconocío na mesma llei d’usu, que tantu a nivel oral como escritu, cualquier ciudadanu d’esta comunidá tien el derechu a usar esta llingua”.

Les declaraciones facíales el voceru de la XDLA a los medios de comunicación, demientres trescurría l’acción que convocara la Xunta Pola y na que tamién se facía la convocatoria d’una manifestación delantre de la Xunta Xeneral pal próximu día 25.

Na acción tamién se pidía  que l’asturianu tenga dafechu un usu normalizáu na Comisión non permanente d’estudiu sobre’l réxime de protección y promoción del asturianu por entender que ye un derechu de los diputaos poer esperesase y emplegar la llingua asturiana, perfechamente adautáu a la llei en vigor.