Juan Carlos Cáceres afonda nos oríxenes del tango en dos conciertos n’Asturies

Tangu y milonga son dellos estilos que cultiva’l músicu ya historiador de la materia Juan Carlos Cáceres. Esti musicólogu espertu nos sones del Ríu de la Plata, tanto de la oriella arxentina como de la uruguaya, actua esti miercoles 28 de payares nel Centru Cultural Cajastur San Francisco. El recital ta enmarcáu dientro del ciclu d’actuaciones que organiza la entidá financiera embaxo’l nome “Música del Sieglu XX” y va entamar, como davezu, a les 20:00 hores.

Caceres repasa amás sones como’l candombe y la murga, una de les formes del tango. Tres d’esta actuación el músicu va treslladase a Xixón pa, mañana xueves 29 de payares tamiñen a les 20:00, zarrar el pasu por Asturies con un conciertu nel escenariu de la Colexata San Xuan Bautista.