El Bollu refuerza la so ufierta musical con conciertos de Bras Rodrigo, Dobra, Eliseo Parra y la Nueva Orquesta Cántabra

Los festivales de cantar asturianu y habaneres completen la programación musical del programa d’El Bollu qu’esti añu refuerza la so ufierta musical con conciertos de Bras Rodrigo, Dobra, Eliseo Parra y la Nueva Orquesta Cántabra.

Mentantu La Comida na Cai suma yá 13.338 reserves. y recupérase la suelta de palombos el Domingu d’El Bollu, previa al Desfile de Xarrés, con más de 600 exemplares; ya se conoz la programación musical de les fiestes avilesines.

Les fiestes d’El Bollu d’anguaño van tener un marcáu componente musical, con conciertos de Bras Rodrigo (domingu 1 d’abril), Dobra y Eliseo Parra (llunes 2 d’abril). A ellos sumense les actuaciones de la Nueva Orquesta Sinfónica Cántabra (vienres 30 de marzu), el Festival d’Habaneres cola participación 8 formaciones corales (1 y 2 d’abril) y el Festival de de Cantar Asturianu (domingu 1 d’abril) con Anabel Santiago, Alicia Villanueva y Celestino Raspiada Tamés, Valentín Fonte (gaita) y el monologuista Nel del Solu.

El director de Competiciones de la Federación Española de Triatlón, Jorge García Martínez, va ser l’encargáu de pronunciar el pregón de les fiestes. Ye unu de los profesionales más destacaos del panorama español ya internacional del triatlón, de gran nivel profesional y técnicu que tien siempres bien presente Avilés na so carrera profesional y gracies al cual podemos esfrutar n’Avilés de campeonatos nacionales ya internacionales  d’altu nivel.

La conceyala de Festexos, Ana Hevia, presentó’l programa festivu y el cartelu de les fiestes que reflexa l’espíritu de les fiestes: l’alta participación y el so calter integrador y de convivencia. Nesti momentu, la Comida na Cai cunta con reserves para 13.338 comensales.

Anunció tamién qu’anguaño recuperase una antigua tradición de les Fiestes d’El Bollu: la suelta de palombos previa al entamu del desfile de Xarrés del Domingo 1 d’abril. Va Ser posible gracies a la collaboración del Club Colombófilu Avilesín -que cumple 90 años- y van soltase más de 600 exemplares. Ye un actu que forma parte del programa conmemorativo del 40 aniversariu de la Fundación Deportiva Municipal (FDM).

Ver programa