EducaciónTecnoloxía Educación va instalar cámares en 2.000 aules pa clases semipresenciales by redacción asturnews 14 de setiembre, 2020 written by redacción asturnews 14 de setiembre, 2020 3,1K Asturies cunta con 2.000 aules de Secundaria ensin dotación tecnolóxica, daqué que suponía un frenu pal establecimientu del modelu semipresencial a partir de terceru de la ESO en centros de Secundaria que, na so mayoría, caracterizase pola falta d’espaciu pa garantizar la distancia interpersonal de 1,5 metros y por eso va instalar cámares en 2.000 aules pa clases semipresenciales. La conseyería anunció ayeri que va dotar eses aules con equipos qu’inclúin cámares pa impartir clases en ‘streaming’. Esto ye, que «dexen trabayar al profesoráu de manera simultánea tanto pal alumnáu presencial como pal conectáu ‘online’», pa esos díes que tean en casa. La idega ye qu’haya veces rotatories y un grupu allegue a clase trés díes una selmana y la siguiente, dos, y el segundu, dos una selmana y la siguiente, trés, y completar les mesmes hores. Directores d’institutos señalaren esta selmana que’l Principáu refugara les clases en ‘streaming’, pero, al paecer, la opción nun taba tan zarrada y l’intención ye recurrir a esti tipu de recursos, anque non de forma permanente (anque se pudiera), sinón en determinaos momentos, como, por casu, cuando se plantega una xera pa resolvela o consultar duldes na aula o en casa. Tabletas y portátiles Les aules, sacante les de Formación Profesional, van cuntar con «una webcam afitada nel techu y asitiada a dos o trés metros de la cayuela, asitiada n’ángulu por que la imaxe ufierte la meyor perspectiva». Amás, «toes van disponer d’un portátil y un monitor táctil col que’l docente va dar esplicaciones o va proponer xeres que va poder ver, coles mesmes, l’alumnáu presencial y el semipresencial». 0 FacebookTwitterPinterestEmail Anterior Pablo Rodríguez Medina, nuevu Académicu Correspondiente de l’Academia siguiente Jezabel Rodríguez algama la XV Bienal de Pintura ‘Villa de Noreña’. Tamién te podria gustar Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes L’ALLA abre’l plazu pa los cursos de la... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... El Principáu y la UOC firmen un conveniu... Los videoxuegos caltienen sesgos de xéneru Asturies destaca en comprensión llectora L’IES Real Institutu Xovellanos entama sos primeres Xornaes... Xornada Evaluación de programes educativos