Asturnews ufre vidios y semeyes de la gala d’entrega de los Premios AMAS 2008

02 marzu 08:52 2008 Imprimir

El Teatru Filarmónica d’Uvieu foi l’escenariu, esti vienres 29 de febreru, de la gala d’entrega de la última edición los premios AMAS. L’eventu sirvió pa premiar a artistes como Anabel Santiago, Pablo Moro y Amon Ra nes categoríes de meyor discu folk, otres escenes y rock respectivamente. Otros protagonistes de la nueche foron los Crazy Lovers con Pablo Valdes a la cabeza, qu’algamaron dos premios ente ellos a la meyor canción d’otres escenes.

La gala vivió momentos emotivos cola entrega del AMAS honoríficu por tola so trayectoria a los componentes de Nuberu y cola actuación d’Hector Tuya (a pesar da tAr con 39 de fiebre) faciendo suya la popular “Eloise” de Tino Casal, l’otru artista que recibió l’AMAS n’homenxe a la so aportación a la música asturiana.Na gala tamien tocó la banda avilesina Tejedor, ganadora de dos premios l’añu pasáu y la banda de rock ovetense Amon Ra.

Otros premiaos foron “Fe de Ratas”, a la meyor propuesta en directu, Pablo García, meyor guitarrista, Charlie Gunner, meyor vocalista o Mario Fueyo (Dark La eMe), premiu al meyor teclista pol so trabayu con Dixebra. Na gala tamien se conoción que’l músicu de L.lena va pasar a ser dende agora’l responsable de los teclaos en Loquillo y los trogloditas.

  Categories:
Loading Facebook Comments ...