“Al Resve” lleva la cultura astur a Cimavilla con 4 escenarios de cai

El festival “Al Resve” va celebrase del 10 al 19 de setiembre coincidiendo coles fiestes del barriu de Cimavilla, al que se quier potenciar como conceutu y espaciu cultural, al empar qu’apuesten nel Ayuntamientu xixonés por amosar la creatividá d’Asturies nos sos principales campos artísticos.

La programación d’anguaño, na qu’adulces va dexándose p’atrás el silenciu impuestu pola pandemia de la Covid-19, ye integradora y participativa: nel conceyu camienten que la cultura tien que salir a la cai y van implicar a los colectivos que, con orientaciones y estilos diversos, faen posible que la nuesa personal forma de ver el mundu sía, como siempres lo foi, activa y dinámica.

Pa ello, diseñaran un programa nel que van tener cabida les artes plástiques y escéniques, la llingua y la música tradicional: cantares para la xente menudo, tonada, folk, bandinas de romería, preseos del país y nueves tecnoloxíes aplicaes a la música étnica. Son grandes árees de trabayu que concentren l’esfuerzu de la mocedá creativa y ufiértennos propuestes comprometíes ya innovadores.

Ver programación completa