Portada Conceyos Les Xornaes del Cómic d’Avilés algamen so XXVI edición con 22 artistes de 7 países

Les Xornaes del Cómic d’Avilés algamen so XXVI edición con 22 artistes de 7 países

by asturnet

Dende esti martes, día 7, al sábadu 11 de setiembre, van desenvolvese les Xornaes del Cómic d’Avilés qu’algamen ela so XXVI edición con 22 referentes del novenu arte de 7 países que van poder conocese con actividaes abondes y esposiciones de la so obra.

Esta edición cuenta, dende esti martes, día 7, hasta’l sábadu 11 de setiembre,  con 22 autores y autores llegaos de siete países. Con mayoría nacional, pero tamién dende Estaos Xuníos, Canadá, Reinu Uníu, Francia, Italia y Serbia, recuperando adulces la normalidá de los visitantes de fora d’España. Les Xornaes caltienen asina’l so calter internacional reforzando’l so sellu de cercanía ente los y el ceadores y el públicu, cola participación en charres, meses redondes y l’habitual firma d’exemplares de les sos obres.

Nestes Xornaes destaquen voces del prestíu del estadounidense Bob Hall, una autoridá nel universu Marvel; la francesa Florence Cescac, primer muyer ganadora del Gran Premiu de Angulema, y el británicu Glenn Fabry, coles sos portaes icónicas. Trés Premios Nacionales de Cómic visiten la ciudá, Ana Penyas, Javier Olivares y Pablo Auladell. La esposición “Albert Monteys y la Ciencia Ficción” trai la maestría de la novela gráfica d’anticipación a la Casa de Cultura.

Ente los españoles, sobresalen trés poseedores del Premiu Nacional de Cómic, como Ana Penyas, que lo llogró pola so primer novela gráfica, “Tamos toes bien”; Javier Olivares, de llarga trayectoria, que lo consiguió con “Les Meninas”, y el tamién multipremiado Pablo Auladell, que se fixo col galardón per El Paraísu Perdíu”.

Completen la llista de 22 autores y autores que se van xubir a la palestra nes distintes conferencies el canadiense Andy Belanger, los italianos Lorena Canottiere y Claudio Stassi ente otros como’l hispanoserbio Toni Fejzula, y dende la xeografía española, Santiago Sequeiros, Susanna Martín, Gustavo Ricu, Marcos Prior, Jorge García, Pepe Larraz, Natacha Bustos, Nuria Tamarit, Fran Galán, Albert Monteys, Javi de Castro y Enrique Vegues.

Algamar XXVI ediciones confirma l’enraigonamientu d’una actividá como les Xornaes Internacionales del Cómic d’Avilés na programación cultural d’Avilés conformando unu de los sos grandes afitaos, asitiando’l nome de la ciudá como referente mundial del novenu arte cada añu a empiezos de setiembre.

Como ye habitual, les Xornaes van cuntar col complementu d’una gran amuesa de cómic, que va ocupar tanto l’Antepar como la Sala d’Esposiciones de la Casa de Cultura. Tratar de “Albert Monteys y La Ciencia Ficción”. Centrada na obra d’esti autor catalán, unu de los invitaos anguaño, que toca’l xéneru n’obres premiaes y esitoses como “Universu”, que robla como autor completu, o “Mataderu 5”, con guión de Ryan North sobro la novela de Kurt Vonnegut.

Programa

MARTES 7

18.30 hores. INAUGURACIÓN, cola presencia d’autores invitaos (Auditoriu de la Casa de Cultura)
19.00 hores. Charra Coloquiu: JORGE GARCÍA (Auditoriu de la Casa de Cultura)
19.45 hores. Charra Coloquiu: GUSTAVO RICU (Auditoriu de la Casa de Cultura)
20.30 hores. Firmes

MIÉRCOLES 8

17.00 hores. Charra Coloquiu: FRAN GALÁN (Auditoriu de la Casa de Cultura)
17.45 hores. Charra Coloquiu: MARCOS PRIOR (Auditoriu de la Casa de Cultura)
18.30 hores. Charra Coloquiu: ALBERT MONTEYS (Auditoriu de la Casa de Cultura)
19.15 hores. Charra Coloquiu: NATACHA BUSTOS (Auditoriu de la Casa de Cultura)
20.00 hores. Charra Coloquiu: SANTIAGO SEQUEIROS (Auditoriu de la Casa de Cultura)
21.00 hores. Firmes

XUEVES 9

13.00 hores. Visita empuesta, pol autor, a la esposición “Albert Monteys y la ciencia ficción” (Sala d’esposiciones de la Casa de Cultura)
17.00 hores. Charra Coloquiu: JAVI DE CASTRO (Auditoriu de la Casa de Cultura)
17.45 hores. Charra Coloquiu: NURIA TAMARIT (Auditoriu de la Casa de Cultura)
18.30 hores. Charra Coloquiu: JAVIER OLIVARES (Auditoriu de la Casa de Cultura)
19.15 hores. Charra Coloquiu: ANA PENYAS (Auditoriu de la Casa de Cultura)
20.00 hores. Charra Coloquiu: PEPE LARRAZ (Auditoriu de la Casa de Cultura)
21.00 hores. Firmes

VIENRES 10

12.00 hores. Charra coloquiu “¿Ilustres o dibuxes?” con SANTIAGO SEQUEIROS, JAVIER OLIVARES, PABLO AULADELL y ANA PENYAS (Hotel 40 Nuedos, sala Allegro)
17.00 hores. Charra Coloquiu: FLORENCE CESTAC (Auditoriu de la Casa de Cultura)
18.00 hores. Charra Coloquiu: ANDY BELANGER (Auditoriu de la Casa de Cultura)
19.00 hores. Charra Coloquiu: LORENA CANOTTIERE (Auditoriu de la Casa de Cultura)
20.00 hores. Charra Coloquiu: GLENN FABRY (Auditoriu de la Casa de Cultura)
21.00 hores. Firmes

SÁBADU 11

12.00 hores. Charra coloquiu “Afaciendo, que ye xerundiu” con TONY FEJZULA, MARCOS PRIOR, PABLO AULADELL y CLAUDIO STASSI (Hotel 40 Nuedos, sala Allegro)
13.00 hores. Charra coloquiu “Empón pa editores despistaos” con FLORENCE CESTAC, MATZ, LORENA CANOTTIERE y ANDY DELANGER (Hotel 40 Nuedos, sala Allegro)
17.00 hores. Charra Coloquiu: SUSANNA MARTÍN (Auditoriu de la Casa de Cultura)
17.50 hores. Charra Coloquiu: BOB HALL (Auditoriu de la Casa de Cultura)
19.20 hores. CLAUSURA (cola presencia d’autoridaes y autores invitaos)
20.00 hores. Firmes y regalu de la llámina d’ENRIQUE VEGUES y revista ENSUEÑO número 9

Tamién te podria gustar