Avilés constitúi una Mesa del Voluntariáu con 25 entidaes pa les iniciatives ciudadanes

Avilés constitúi una Mesa del Voluntariáu con 25 entidaes pa les iniciatives ciudadanes
26 xunu 15:09 2020 Imprimir

Esti xueves constituyose la Mesa del Voluntariáu n’Avilés, un espaciu de trabayu en rede qu’axunta a 25 entidaes de voluntariáu del ámbitu social, sociosanitariu, d’igualdá, de mocedá, de deporte y medioambiental de la ciudá qu’impulsa la Conceyalía de Participación Ciudadana del Conceyu d’Avilés. 

Esta mesa surde como compromisu deriváu del procesu de participación ciudadana qu’ellaboro la Estratexa Municipal de voluntariáu d’Avilés, que s’empecipió en septiembre de 2017 y tres un intensu trabayu de reflexón,  alderique en  grupos y en plenarios, de recoyida d’aportaciones, de ponencies d’interés, onde participaron  munches persones y entidaes ciudadanes, vio la lluz un documentu denomináu “Estratexes Colectives de Ciudá para un Voluntariáu del Sieglu XXI”.

El Conceyu d’Avilés, que tien como planteamientu y metodoloxía dende distintos ámbitos, trabayar en rede con toles entidaes, va siguir  trabayando nesta llínea, para intensificar la corresponsabilidad en programes d’atención y tamién nel  espardimientu, sensibilización, captación  y formación  de persones voluntaries. D’ende’l llamamientu de l’alcaldesa, Mariví Monteserín, para constituyir esta mesa.

La Mesa del Voluntariáu configúrase según un preséu, un espaciu común de coordinación, abiertu y con presencia de tola diversidá qu’ufierta’l movimientu asociativu qu’incorpora persones voluntaries en proyectos concretos. En definitiva un espaciu d’alderique y d’actuación conxunta.