Versalles, La Lluz y La Carriona enllenen d’actividá cultural hasta avientu

Los Centros Culturales de los barrios d’Avilés, como Versalles, La Lluz y La Carriona enllenen d’actividá cultural hasta avientu, con 45 actividaes especialmente pensaes pal públicu más mozu.

Col nuevu cursu escolar yá en marcha, los Centros Culturales d’Avilés enllenen d’actividá: dende la conceyalía de Cultura ponse una vegada más el focu en potenciar nos barrios tou tipu d’actividaes, para tolos públicos, pero con especial incidencia nos más nuevos, col fin d’averar a les neñes y los neños propuestes curioses, risonderes y educatives.

La programación ta formada por teatru familiar y p’adultos, maxa, talleres de creatividá, de iniciación a la llectura, cuentacuentos, bebecuentos, música y esposiciones. Tamién inclúi actividaes na Biblioteca Bárganos Candamo

D’ochobre a avientu podrá esfrutase nos centros socioculturales de Versalles/Los Canapés, La Carriona y La Lluz, y na Biblioteca Bárganos Candamo de la Casa de Cultura, de teatru familiar y p’adultos, espectáculos de maxa, talleres de creatividá y de iniciación a la llectura, cuentacuentos, bebecuentos, música y esposiciones.

Más información