Portada Convocatories Últimos díes pa presentase al concursu L’Horru del Carbayéu

Últimos díes pa presentase al concursu L’Horru del Carbayéu

by asturnet

L’Asociación de Vecinos El Horreo del Carbayedo, en collaboración cola Estaya de Normalización Llingüística del Ayuntamientu d’Avilés, convoquen con motivu de les Fiestes de San Roque del Carbayéu, que se celebren del 20 al 23 d’agostu del 2010,el cuartu concursu de microrrellatos n’asturianu “L’Horru del Carbayéu”. El plazu pa presentar rellatos, n’asturianu y d’un máximu de trés fueyes, ye’l 2 d’agostu.

El concursu tien les bases siguientes:
1-Pue participar cualesquier escritor/a en llingua asturiana como muncho con tres rellatos.
2- Los rellatos nun puen pasar de les 500 pallabres. La temática ye llibre.
3- El plazu pa presentalos piésllase a les 14 hores del día 2 d’agostu.
4- La presentación namás pue facese pel Corréu Elletrónicu, unviando los rellatos en formatu WORD a: avvelhorreo@yahoo.es.
Los trabayos dirán encabezaos per un TÍTULU y firmaos con un NOMATU/pseudónimu.
Les señes del mail nun puen ser indicatives de l´autoría.
El xuráu reclamará dempués, tamién por mail, tolos datos a los autores de los rellatos finalistes.
PREMIOS.-
Daráse un primer premiu de 400 € y troféu al meyor rellatu y 3 accesits, consistentes en llotes de llibros y placa, a los otros 3 rellatos finalistes.
SISTEMÁTICA.
a.- El 5 d’agostu un xuráu entamáu por reconocíes personalidaes de la cultura asturiana determinará los trabayos ganadores.
b.- El llunes, 23 d’agostu, los cuentos premiaos serán lleíos por un contador avezau o contadora, o polos mesmos autores, nel prau la fiesta (parque del Carbayedo), a les 20:00 hores. A esi actu han asistir los/les ganadores, pa recoyer los premios.
c.- Tolos rellatos presentaos, premiaos o non, van asoleyase nuna esposición al aire llibre, nel prau la fiesta, abierta al públicu los díes que éstes duren.
e.- El Xuráu entenderá de cualesquier dulda o problema que puea apaecer. A les sos decisiones nun se pue retrucar.
f.- Presentase a esti concursu implica la plena aceptación d´estes BASES.

Tamién te podria gustar