Rafa Lorenzo presenta’l so nuevu discu “Primos hermanos” en Tierrra Astur

Los cancios vaqueiros entemeceranse colos poemes gallegos de Lorca na actuación qu’esti xueves 1 de Payares pela nueche va tener llugar dientro’l ciclu d’actuaciones musicales del restaurante Tierra Astur de Cualloto. Rafa Lorenzo va presentar el so nuevu discu “Primos hermanos” que quier ser un homenax al poeta de la xeneración del 27, Federico García Lorca.

El nuevu álbum de Lorenzo presentóse nesti Ochobre na Conseyería de Cultura nun actu nel qu’intervinieron, la directora xeneral de Promoción Cultural, Consuelo Vega, el presidente del Conseyu de Comunidaes Asturianes, Manuel Fernández de la Cera, y el productor del discu, Juan Taboada.