Portada Política Pilar Fernández Pardo y les NNXX del PP de Xixón súmense a la oficialidá “ensin obligatoriedá”

Pilar Fernández Pardo y les NNXX del PP de Xixón súmense a la oficialidá “ensin obligatoriedá”

by asturnet

Les declaraciones de miembros del Partíu Popular d’Asturies a favor de la oficiliadá siguen sucediéndose, el llunes pela nueche nun alderique en Televisión Llocal Xixón yera un miembru de les Nueves Xeneraciones, Javier Fernández Merino, el que facía declaraciones nesi sen, amosando la posición de la mocedá de los populares como “favoratible a la oficialidá ensin obligatoriedá d’usu pa los ciudadanos”. A eses declaraciones súmense les feches anoche pola Senadora y candidata al Congresu del PP, Pilar Pardo, que nuna entrevista nel programa La Lupa, de Juan Neira, en Canal10 dicía que “la oficialidá tien de dir nel próximu Estatutu y que toles fuercies han posicionase claramente”.

La candidata popular, miembru de la Fundación Caveda y Nava declaró “qu’ensin dulda nenguna ta a favor de la oficialidá”, recordando que na so directiva “tengo a asturinistes, a xente como Humberto Gonzali”. Amás, y al responder a delles preguntes de Juan Neira dixo que “nun quería obligar a naide a falar l’asturianu, pero si dar les facilidaes máximes pa quien quiera estudiala y por supuestu usala, nel ámbitu públicu o priváu”. Recordó Pardo que nel PP de Xixón “unviamos mesmamante delles notes y comunicaos n’asturianu ensin problema nengún”.

Énte la entruga sobre l’usu del asturianu nel mediu xurídicu Pilar Pardo dixo que “cada xuez que quiera debería poder escribir les sentencies n’asturianu”. Unes declaraciones que ficieron a los entrevistadores entrugar pola so posición ente’l casu hipotéticu de la necesidá del usu d’interpretes nun procesu xudicial, énte lo que la candidata afirmó que “l’asturianu ye una llingua qu’entendemos toos y que nun creo que necesite un traductor pa los que vivimos equí”, añadiendo darréu “que de toes formes, si fuera necesario, sí”.

Tamién te podria gustar