Pedro Guerra recupera pal Fifty-Fifty d’Avilés “La palabra nel aire”

Pedro Guerra recupera pal Fifty-Fifty “La palabra nel aire”, nel que da voz y música a los poemes d’Ángel Gonzáleznun conciertu únicu que va tener llugar esti sábadu, a les 20 hores, nel Auditoriu de la Casa de Cultura d’Avilés.

Consideráu unu de los exemplos más bellos de la conxunción de música y poesía, el discu “La palabra nel aire” xunió pa siempres al poeta Ángel González y al cantautor Pedro Guerra, quien recupera esta obra cume de la cultura española contemporanea n’esclusiva para Avilés y el Festival Fifty-Fifty, nun conciertu únicu que va tener llugar esti sábadu, a les 20 hores, nel Auditoriu de la Casa de Cultura.

“Por detrás del violín apunta la esperanza, una leve esperanza densamente imposible…”. Versos escritos por Ángel González, y son violín, y son guitarra, y son tamién la nidia voz de Pedro Guerra al retomalos, dando vida a la llírica implacable del fináu poeta asturianu, unu de los imprescindibles del sieglu XX.

La so fusión eterna llegó en 2003, con un llibro-discu que tomaba de toles etapes del poeta, y el cantautor canariu trai de vuelta nun recital que promete grandes momentos. Ocasión perfecta para saborguiar dos de les razones de ser del Fifty-Fifty y la so celebración de música y poesía, con acústica perfecta del Auditoriu de la Casa de Cultura.

Una música que nel festival yá escosó les entraes para’l conciertu inaugural, de Pericu Sambeat y el SongAh Chae Tríu, mañana xueves. Y tamién para les de Afra Kane, pasao mañana, vienres 11.