La fin de selmana abrió les puertes al FICX

Del 11 al 19 de payares, el Festival Internacional de Cine de Xixón alzase na so 60ª edición como la gran fiesta y el puntu d’alcuentru del cine auténticamente independiente, calteniendo’l so apueste por eses películes qu’ufierten una mirada personal y xenuina, y que na so gran mayoría nun tienen asegurada la visibilidá.

Esi cine que convien ver en Xixón, equí y agora, porque podría nun llegar a sales comerciales o plataformes online. Cine alternativu, sorprendente y humanu que revela y emociona.

El FICX ye un certame conxugáu en presente que mira al futuru: Frente a la cantidá, la calidá; frente a l’acumuladura, el filtru; frente a la despersonalización, la cercanía; frente a la competitividá, la collaboración y la implementación d’acciones concretes con otros certames, n’una claru apueste pola sostenibilidá tocantes a formatu y recursos. Más allá de convencionalismos, etiquetes y alderiques sobro xéneros y narratives, el Festival de Xixón/Xixón vuelve apostar por un cine honestu, un cine d’hestories que bucia nel ayeri y saca a flote el güei pa reconstruyir la mañana.

Na so Sección Oficial, Retueyos marca la dirección del cine que va venir de la mano de cineastes emerxentes que van calar na cinefilia; Albar pon la mirada en nomes esperimentaos, ente que Tierres en trance propón inmersiones na memoria d’Iberoamérica, España y Portugal pa entender el nuesu tiempu.

Ver programa