Moving Hearts cumplió dafechu coles espectatives en Lorient

Moving Hearts cumplió dafechu coles espectatives con una actuación en Lorient que sedrá inolvidable pa les más de dos mil persones qu’enllenaron l’Espace Marine de Lorient. Tres de l’actuación del teloneru, Jimme O’Neill, Donal Lunny, Davy Spillane y el restu de músicos que formen el grupu instrumental de música folk más nomáu del arcu atlánticu amosaron un conciertu tan equilibráu y brillante como efeutivu.

La flauta y la gaita irlandesa de Spillane sonó como nunca ente los acordes del bouzuki de Lunny y la brillante percusión de Noel Eccles y toos ellos en comuña ficieron una collecha de los trabayos qu’asoleyaren hai poco en “Live in Dublin” y que suponen la recuperación d’un grupu míticu na escena del folk mundial.