Llugones celebra un Seminariu d’Improvisación Musical

La Fundación Municipal de Cultura de Siero entama’l sétimu Seminariu d’Improvisación Musical, que ta dirixíu a estudiantes y músicos de tolos instrumentos y niveles que quieran empecipiar o afondar na improvisación, y n’especial na música jazz. Nel cursu hai dos niveles, dependiendo de les conocencies y esperiencia musicales: iniciación y avanzáu.

El Seminariu va celebrase na Casa de Cultura de Llugones, del 12 al 16 de xunetu. La inscripción pue facese hasta’l 2 de xunetu, nes Cases de Cultura de La Pola Siero y Llugones o pente medies de corréu electrónicu (na páxina www.ayto-siero.es).

El preciu ye de 72,50 euros pa los asistentes a la xornada de mañana y de 135 euros pa los qu’asistan a la xornada completa.