L’estrenu absolutu de “La puerta de al lado” y “Dignidad” sedrá n’escenAvilés

La programación de escenAvilés, nel so ciclu xineru-marzu 2016, vuelve con fuerza con dos cites de nivel. La primera d’elles ye nada menos que un estrenu absolutu; el de la obra “La puerta de al lado”, de Fabrice Roger Lacan.

Empobinada y afecha por Sergio Peris-Mencheta, y protagonizada por Silvia Marsó y Pablo Chiapella, la obra enmárcase dientro de la sección “Teatru 2016”.

“La puerta de al lado” ye la hestoria de dos vecinos, solteros y en plena crisis de los 40, que les sos aparentemente opuestes mentalidaes y formes de vida van terminar nun siéndolo tantu. Los personaxes, se desencuentran en cada retruque, sacando punta a cada desliz verbal o non verbal del so “contrincante”, y terminando per dirixir se inclusive al públicu pa fae-y parte de les sos encruciades mentales.

La obra foi estrenada en París en 2013, con gran ésitu de crítica y públicu, y foi considerada la comedia del añu. Sergio Peris-Mencheta, quien robla l’adaptación y la dirección d’esta obra, tuvo nomáu na edición 2014 de los Premios Max como “Meyor Director” pola obra “Un cachu invisible d’esti mundu”. La música en “La puerta de al lado” cuerre a cargu del artista catalán Litus, reputáu compositor ya instrumentista con delles nominaciones a los Premios Goya poles sos creación pa llargumetraxes.

L’estrenu absolutu de “La puerta de al lado” va tener llugar el vienres 19 de febreru, a les 20:15 hores, nel Teatru Palacio Valdés. Les entraes tán a la vienta al preciu de 10, 18 y 22 euros.

“Dignidad”

Pela so parte, “Dignidá” ye una obra sobre’l conflictu ente ambición y amistá, inspirada nel momentu pol que traviesa la política n’España. Dos amigos lideren el proyectu d’una formación emerxente, banciar ente los ideales polos que lluchen y los sos propios valores individuales. En palabres del autor de la obra, tratar d’atopar una respuesta a la siguiente entruga: “¿Hasta ónde ta’l ser humanu dispuestu a llegar en cuenta de llograr les metes qu’un día marcóse?”.

Empobinada por Juan José Afonso, tratase d’una obra escrita por Ignasi Vidal, interpretada por él mesmu y por Pablo Puyol. Dambos actores van xubir a les tables de Salar Club del Centru Niemeyer el sábadu 20 de febreru, a les 20:30 hores.