Les subvenciones pa proyectos de Cooperación al Desenvolvimientu caltienen los 181.224 euros de 2015 n’Avilés

El conceyal de Participación Ciudadana y Cooperación Internacional, Miguel Ángel García Balbuena, informó al Conseyu de Cooperación y Solidaridá d’Avilés (axuntáu’l 1 de marzu) de la puesta en marcha de la Convocatoria de Subvenciones del Conceyu d’Avilés pa proyectos de Cooperación al Desenvolvimientu en 2016, que la so cuantía prevista xube a 181.224 euros, la mesma cantidá qu’en 2015.

García Balbuena tamién dio cuenta de la evaluación del XII Foru Solidariu d’Avilés (celebráu en noviembre de 2015) efectuada por organizaciones non gubernamentales y centros educativos. La cuantía prevista pa esta convocatoria xube a 181.224 euros, la mesma cantidá qu’en 2015. El plazu pa la presentación de les solicitúes va ser de 20 díes naturales, a cuntar a partir del día siguiente al de la publicación de les presentes bases de convocatoria nel Boletín Oficial del Estáu (BOE).Una novedá que s’inclúi nesta Convocatoria, al respective de exercicios anteriores, ye la d’almitir que la contraparte pueda ser un Organismu Internacional de los pertenecientes al Sistema de Naciones Xuníes.

La Conceyalía de Participación Ciudadana y Cooperación Internacional considera que los oxetivos plantegaos pal XII Foru Solidariu sobre Migración y Abellugu, cumpliéronse en llínees xenerales. Destácase la participación de 1.929 persones nes distintes actividaes realizaes. Y de esa participación cobra especial relevancia la elevada presencia d’estudiantes nes esposiciones, talleres y obra de teatru que se celebraron.

Pa la evaluación del XII Foru Solidariu realizáronse dos tipos de cuestionarios, unu empobináu específicamente a les 23 ONGDS que componen el Conseyu de Cooperación (respondieron 10) y otru a los 14 centros educativos (respondieron toos) que participaron en distintes actividaes del Foru (esposiciones, talleres y teatru).La valoración media del Foru, tantu per parte de los Centros Educativos como la de les ONGDS, foi   perbona.