Les incógnites del nuevu currículu escolar siguen ensin esclariase

El Ministeriu d’Educación quier tener llistos en septiembre los cuatro decretos que van afitar los aspeutos básicos de los nuevos currículos d’Educación Infantil, Primaria, ESO y Bachilleratu, los que van aplicar el núcleu de la Lomloe a partir del cursu 2022-23.

Van Marcar qué s’apriende y cómo s’apriende nel 50% o’l 60% de les hores lectives (según sían o non autonomíes con llingua cooficial) y cómo s’evalúen estes enseñances mínimes, les que correspuende afitar al Gobiernu para tol país. El restu del currículu, van diseñar les autonomíes y los mesmos colexos ya institutos.

La nueva escuela va fuxir de temarios enciclopédicos y memorísticos en favor de l’alquisición de competencies y habilidaes básiques pa desendolcase na sociedá actual y va centrar l’aprendizaxe na conocencia práctica, colaborativo y na interrellación de materies.

D’equí a setiembre hai qu’afitar qué conocencies son les mínimes pa titular en cada etapa, cómo se parten les materies, cómo s’enseñen y quién lo decide, o cómo s’evalúen en cada momentu. Antes de redactar los decretos el ministeriu abrió un períodu de consultes con profesores, centros, padres, alumnos o espertos y coles autonomíes por que-y aconseyen qué opciones ven más fayadices pa ordenar los currículos.

Les primeres decisiones atañen a los conteníos. Hai qué escoyer en qué cursu de Primaria y en cuál de la ESO impartiráse la nueva asignatura d’Educación en Valores Cívicos y Éticos. En Primaria les alternatives son 5º y 6º, pero’l ministeriu podría dexar que lo decida cada comunidá o inclusive cada centru. Na ESO non. En secundaria va decidir el departamentu d’Isabel Celaá. Puede dir en cualesquier de los cuatro cursos o partise la materia en más d’unu. Cuartu tien altes posibilidaes. Na ESO tamién hai que decidir en cuál de los trés primeros cursos dan Tecnoloxía y Digitalización (o si pártese) y en cuálos de los mesmos trés años encaxen meyor Plástica, Visual y Audiovisual y Música.

Entá s’alderica si cada modalidá de Bachilleratu va tener trés o cuatro materies específiques por cursu y si dalguna d’elles va ser elexible