Les estrelles sonores de Chantal Franco y Patricia Toral aporten al Xovellanos

Les estrelles sonores de Lluz, micro y puntu, embaxo la dirección de Chantal Franco y Patricia Toral, aporten esta fin de selmana al Teatru Xovellanos de Xixón.

¿Sabríes dicir el nome del dalgún compositor? Seguro que si… Toos conocemos a Mozart, Beethoven, Vivaldi… ¿y de dalguna compositora?… Eso pue que yá sía más difícil ¿eh ho? Pos hai y hubo munches grandes compositores a lo llargo de la hestoria. Nesti espectáculu vamos cuntavos la vida d’una neña que tenía la cabeza llena de partitures y notes musicales, una neña que dende bien pequena componía melodíes precioses y que cuando foi mayor escorría’l suañu de ser compositora y directora d’orquesta. ¿Va Poder superar toos les torgues y llevar a cabu’l so suañu?

Lluz, micro y puntu somos una compañía femenina nacida en 2013, formada por Chantal Franco y Patricia Toral, creadores ya intérpretes que centramos el nuesu trabayu na esperimentación y la creación d’hestories visuales y sonores enmarcaes nel teatru de solombres. Dos artesanes de la imaxe narramos, ensin palabres, hestories para tolos públicos. Na parte visual, utilizamos tecnoloxía analóxica y distintos formatos para la puesta n’escena, que van dende’l teatru de solombres más clásicu al más esperimental, siempres creando imaxes en directu de manera poética y artesana.

En collaboración cola Sociedá Filarmónica de Xixón

Dirección: Chantal Franco y Patricia Toral
Intérpretes: Julia Franco – pianu, Aldo Mata – violonchelu, Tatiana Francu – flauta, Enrique García – violín

Teatro Xovellanos

6 de payares de 2022 a les 18:30
7 de payares de 2022 a les 10:30