L’alumnáu del C.P. Villalegre participa nun taller de conocimientu del mediu col asturianu como idioma vehicular

Más de 40 neños y neñes de sestu cursu de la clase de Conocimientu del Mediu del Colexu Públicu de Villalegre van participaron esti xueves nel “Taller de Conocimientu medioambiental al traviés de la llingua y la cultura asturianes”, una actividá fecha en collaboración cola Estaya de la Llingua del Conceyu d’Avilés.

La iniciativa surdió del mesmu centru pa tresmitir estos conocimientos medioambientales col nuestru idioma como llingua d’espresión y va valir pa conmemorar el  Día de les Viesques (21 de marzu), el Día del Agua (22 de marzu) y el Día Mundial de la Meteoroloxía (23 de marzu), elementos toos ellos determinantes pa la existencia de los árboles.

Nel taller van participaron dos monitores de la empresa Ecoasturias que van poner enfotu especial nos  árboles autóctonos, como’l texu, el carbayu o la castañal. Los asistentes van deprender asina como llingua y natureza y llingua y árboles autóctonos van de la mano. Esti “Taller de Conocimientu medioambiental al traviés de la llingua y la cultura asturianes” va facese esti xueves a les 10.30 hores na Casa de Cultura y desque acabe’l taller, d’una hora de duración, va facese una visita guiada pel Parque Ferrera.