La XDLA llama a la movilización esti vienres a les 7 n’Uviéu

La Xunta pola Defensa de la Llingua Asturiana llama a la movilización como fai en toles celebraciones del Día de les Lletres Asturianes, convocando una concentración esti vienres a les 19 hores na cai Suárez de la Riva d’Uviéu.

Esti añu, la situación xenerada pol andanciu de la Covid-19 fai que’l formatu escoyíu pa la convocatoria sia’l d’una concentración, na que va ser necesario respetar les distancies de seguranza y l’usu de mázcara. Anguaño, más que nunca, esti Día de les Lletres Asturianes “ha ser un llamamientu a la responsabilidá a los grupos parllamentarios con representación na Xunta Xeneral y al Gobiernu Asturianu p’abrir una reforma del Estatutu d’Autonomía que reconoza al asturianu y al gallego-asturianu como llingües oficiales d’Asturies. El momentu ye agora”, dexa bien afitao la Xunta pola nel comunicáu col que convoca la concentración.

L’ASTURIANU, LLINGUA OFICIAL, ¡AGORA!
Concentración. Esti vienres 2 d’ochobre, a les 19:00 hores. Na cai Suárez de la Riva d’Uviéu.