Los abonos del ciclu d’ochobre a avientu d’EscenAvilés yá tan a la vienta

Con aforos amenorgaos a menos de la metá, y toles midíes de seguridá sanitaria frente a la pandemia del COVID-19, esti xueves 1 d’ochobre, salieron a la vienta los abonos pal ciclu de escenAvilés d’ochobre a avientu de 2020.

Podrán adquirise nes distintes canales de vienta, la taquilla de la Casa de Cultura, el Centru Niemeyer y na web www.entradas.liberbank.es. Nel casu de Teatru 2020, inclúi dientro d’abonu los estrenos absolutos de “La máquina de Turing”, “Lope y les sos Doroteas” y “Dribbling”, amás de “Curva España”, “Mariana Pineda”, “Doña Rosita Anotada”, “Castelvines y Monteses”, y “8,56. Inspirada nun saltu de Yago Lamela”, con trés posibilidaes de compra:

A. 132,75 euros. En patiu de butaques, palcos de platea y butaques del primer pisu del Teatru Palacio Valdés y Auditoriu del Centru Niemeyer.
B. 117,75 euros. En palcos del primer pisu y butaques y palcos del segundu pisu del Teatru Palacio Valdés y l’Auditoriu del Centru Niemeyer.
C. 95,25 euros. Polo xeneral del Teatru Palacio Valdés y l’Auditoriu del Centru Niemeyer.

Pela so parte, pal Off Niemeyer, que por motivos d’espaciu por seguridá sanitaria va tener llugar nel Auditoriu del Centru Niemeyer, ya inclúi obres “Suaños y visiones de Rodrigo Rato”, “Mauthausen. La voz del mio güelu”, “Querella de Lope y les muyeres” y “La muyer más fea del mundu”, el preciu del abonu ye de 45 euros.

En Fechu n’Asturies, con dos funciones d’abonu, los estrenos absolutos de “¡Ai, Carmela!” y “Yo maté”, el preciu ye de 15.00 euros.

Los abonos van atopar a la vienta dende mañana, xueves 1 d’ochobre, hasta’l domingu 4, nos siguientes horarios:

  Casa Municipal de Cultura:        

Llunes a Vienres: 9.00 a 21.00 hores

Sábados: 9.00 a 14.00 hores

Sábados pela tarde, domingos y festivos, inhábiles

    Centro Niemeyer:          

Tolos díes de 10.30 a 14.30 y de 15.30 a 19.30 hores

Les entraes sueltes podrán adquirise, nos mesmos horarios, a partir del martes 6 d’ochobre. Sacante nel casu de “El casting”, dientro de fechu n’Asturies, yá a la vienta, y les del conciertu de la Orquesta Sinfónica del Principáu d’Asturies, disponibles dende’l 4 de payares.