La ReFLEXón entama delles actividaes alredor de la música, el cine y la lliteratura

El Centru Social Okupa Autoxestionáu asitiáu na vieya fábrica de colchones FLEX en Xixón, entamaba ayeri nueves actividaes, con una nueva clase del taller de “Llingua Asturiana” qu’entamara la selmana pasada y la ponencia “La Transición: Mito y realidad”, impartida polos llicenciaos n’Historia Pablo Folgueira Lombardo y Javier Bayón Iglesias.

Güei, xueves 21, a les 19.30 hores va proyeutase’l documental “Después de… no se os puede dejar solos”, cinta grabada nos tiempos de la transición qu’analiza los cambios ya impresiones de la xente del tiempu. D’otru llau, mañana vienres, l’actividá va ser un recital poéticu col que s’inaugura’l café-teatru a les siete la tarde.

Al mesmu tiempu’l coleutivu CSOA organiza pal domingu dende les cuatro la tardeuna xornada de llimpieza y orde del centru, pidiendo a los vecinos de Xixón qu’aporten materiales, oxetos o muebles que tando en bon usu yá nun seyan necesarios pa ellos.