La Raita presenta Moh.ito, el so segundu trabayu.

La Banda de Gaites La Raitana sacó al mercáu’l so nuevu trabayu tituláu Moh.ito. Nos once cortes d’esti trabayu de la banda de Piloña y Nava alcuéntrase dende temes tradicionales a nueves composiciones, feches por dalgunos de los más destacaos músicos del folk actual

En Moh.ito amás de les igües y pieces compuestes polos directores de la Banda de Gaites La Raitana, Flavio R. Benito y Jordi F. Bolta, alcuéntranse composiciones de músicos como Ramón Prada, Javier Tejedor, Emilio Huerta, Jesús Arévalo, Ígor Medio o Kepa Junkera.
El trabayu, editáu por Fonoastur, compleméntase con un clip denomináu “La Raitana. Apuntes d’una bande de gaites” fechu por Ramón Lluís Bande. Nel documental pueden vese imáxenes de los ensayos, y la mesma grabación del nuevu discu de la Banda La Raitana.
Moh.ito ye’l segundu discu de la banda de Nava y Piloña, depués de que’n 2002 asoleyaren, cola mesma compañía, La Marea.

Banda de Gaites La Raitana