La inscripción pala Comida na Cai d’Avilés entama’l 26 de febreru

Los trámites de cita previa y posterior inscripción pala XXIV Comida na Cai del 28 de marzu de la Fiesta del Bollu van facese na Antigua Pescadería esti vienres 26 de febreru. El máximu de reserves almitible por persona va ser de 120 places pa facilitar la mayor participación posible y optimizar la repartida.

Esti vienres, 26 de febreru, les persones que lo deseyen van poder llograr, a partir de les 8 hores nel edificiu de l’Antigua Pescadería (Plaza de Santiago López) cita previa pa inscribise na XXIV Comida na Cai, que se celebra’l llunes 28 de marzu. Esta cita previa va dexar realizar les inscripciones, a partir del llunes 29 de febreru na Antigua Plaza del Pexe (Plaza de Santiago López) de 9 a 13 y de 16 a 19 hores. A partir del xueves 3 de marzu y hasta el 11 de marzu fadranse inscripciones ensin necesidá de cita previa tamién na Antigua Plaza del Pexe nel mesmu horariu.

Les cais y places del cascu históricu nes que se va celebrar la XXIV Comida na Cai son un bon garapiellu de les mas nomaes n’Avilés: Plaza del Carbayedo, Galiana, San Francisco, Plaza d’Álvarez Acebal, Alfonso VII, Cabruñana, Plaza d’España, Rivero, La Ferrería, La Fruta, El Sol, Plaza de Camposagrado, San Bernardo, Plaza Carlos Llobu, Les Artes, El Marqués, Xovellanos, Les Nales, Plaza Hermano Orbón, Plaza del Carbayo, Bárganos Candamo, La Estación y Carreño Miranda.

Como novedá anguaño, tol procesu d’organización (cita previa ya inscripción) de la Comida na Cai va facese nel Edificiu de l’Antigua Pescadería (Plaza de Santiago López), qu’escepcionalmente va permanecer abierta. El máximu de reserves almitible va ser de 120 places o sitios per persona que faiga la inscripción, cola fin de facilitar la mayor participación posible y optimizar la repartida.

Na edición del añu pasáu rexistráronse 14.987 reserves ya instaláronse cerca de 5 kilómetros de meses y manteles. La Fiesta d’El Bollu d’Avilés vien celebrándose dende 1893 y cuenta cola declaración de Fiesta d’Interés Turísticu Nacional.