La II Amuesa de Cine y Sostenibilidá de Xixón programa “Ente roses”

La II Amuesa de Cine y Sostenibilidá de Xixón programa la película francesa de 2020 “Ente roses” nel Xardín Botánicu Atlánticu de Xixón, esti sábadu  3 de setiembre a les 21:30 hores.

Con esta selección de películes, el FICX propón ufiertar una mirada, al traviés del cine, a los retos que s’enceten na Axenda 2030 que’l so oxetivu ye erradicar la probeza, favorecer un desenvolvimientu sostenible ya igualitariu y combatir el cambéu climáticu que yá tamos careciendo.

Ente roses (Finar fleur)
Pierre Pinaud / Francia / 2020 / 95’ / Francés con subtítulos n’español
Guion Pierre Pinaud, Fadette Drouard
Reparto Catherine Frot, Melan Orneta, Fatsah Bouyahmed, Marie Petiot, Vincent Dedienne, Olivia Côte

Eve creaba les roses más famoses del mundu, pero agora ta pasada de moda, un pocu amargurida y con una empresa en cantu de la bancarrota. Vera, el so fiel asistente, nun puede dexar que lo que lleva defendiendo tola vida suma ensin más y “contrata” a trés persones que provienen d’un programa d’insertamientu social pa evitar cayer nes garres d’un cobiciosu empresariu del sector. Con toles ganes del mundu y bien poques habilidaes en xardinería, ponen en marcha un plan llocu, pero brillosu, pa camudar el destín del negociu familiar.

Xardín Botánicu Atlánticu de Xixón
Organizador: Festival Internacional de Cine de Xixón/Xixón
3 de setiembre de 2022 a les 21:30