Portada Conceyos Les Xornaes de recreación histórica aporten al Muséu de la Villa Romana de Veranes

Les Xornaes de recreación histórica aporten al Muséu de la Villa Romana de Veranes

by redacción asturnews

Les Xornaes de recreación histórica aporten al Muséu de la Villa Romana de Veranes con dos actividaes que van desenvolvese na fin de selmana: ¿Quién va dir a la llacuada de Veranius?” y “Los aposentos de Drusila”.

La primera, ¿Quién va dir a la llacuada de Veranius?, ye la econstrucción d’un convivium tardorromanu: Nes cenes qu’ufiertaba’l señor de la villa’l prestar de la conversación yera un oxetivu tantu o más importante que la mesma cena y el términu convivium fai referencia a convivencia. Esto ye, sería un actu social, onde s’alimentaría al cuerpu y al espíritu, al cargu de Cohors Prima Gállica

L’actividá va desenvolvese nel Muséu Villa Romana de Veranes el 3 de setiembre de 2022, de 18 a 18:45 y el 4 de setiembre de 12 a 13.

La segunda, “Los aposentos de Drusila”, ye la recreación del procesu matutín d’una apoderá nos sos aposentos, ayudada polos sos sirvientes. A les persones que la deseyen va enseñáse-yos a preparar la peluca, van maquillase y van vistise. El públicu va poder interactuar con quien realicen la recreación, asemeyando los costumes de la dómina. L’actividá va tar al cargu de Asociación Cultural Peplo y va ser nel Muséu Villa Romana de Veranes el sábadu 3 de setiembre de 11 a 14. y de 17 a 20 y el domingu 4 de setiembre de 11.30 a 14 hores.

Tamién te podria gustar