La FSA-PSOE de Xixón usa la toponimia asturiana na so sede

La nueva sede de l’agrupación xixonesa de la Federación Socialista Asturiana-PSOE, estrenada va pocos meses, utiliza, anque de manera anecdótica, l’asturianu na cartelería de la fachada. Como pue vese na semeya qu’ufiertamos, unu de los lletreros lluminosos instalaos utiliza’l topónimu tradicional del conceyu de Xixón.

Una cuestión que nun debía ser novedá, siendo oficial dende va cuasi dos años esti topónimu, pero que nun dexa de llamar l’atención pola tradicional postura del PSOE pa col asturianu.

La nueva sede del PSOE en Xixón ta na cai L’Argandona y sustituyó a la tradicional Casa del Pueblu, que tuvo munches décades asitiada na cai San Bernaldo.