Portada Patrimoniu Les Xornaes Ecolóxiques lleguen a Villaviciosa col envís de divulgar soluciones pa los problemes medioambientales

Les Xornaes Ecolóxiques lleguen a Villaviciosa col envís de divulgar soluciones pa los problemes medioambientales

by asturnet

L’Asociación Camudando entama mañana e les I Xornaes Ecolóxiques na sala Capistrano de Villaviciosa. Los actos inclúin la presentación del colectivu, el vienres a les siete la tarde. Amás, a partir d’esta mesma hora van celebrase charres sobre la salú y el mediu ambiente y esperiencies agroecolóxiques llevaes alantre n’Asturies.

El sábadu va falase d’educación ambiental y esperiencies en güertos ecolóxicos pela mañana. Y yá de tarde van celebrase talleres de recicláu de papel y aceite, y ente otres coses, un conciertu de baldre en “La Bodega”.

Les xornaes cuenten cola participación de dellos coleutivos de dientro y fuera de la Comarca la Sidra , con abonda esperiencia nestos temes y que vienen desarrollando propuestes y alternatives nueves dende hai bien de tiempu.

Tamién te podria gustar