La familia Mayalde algama’l Premiu Nacional de Folclore “Martínez Torner”

El Premiu Nacional de Folclore “Martínez Torner” 2018, apurríu pola Escuela Municipal de Música y Danza Tradicional “Manolo Quirós”, va recayer anguaño na familia Mayalde. El galardón va otorgáse-y “pola so recuperación, divulgación y documentación de la cultura musical castellana”, nuna ceremonia que va tener llugar el próximu día 27 de payares a les 20.00 hores na Sala de Cámara del Auditoriu Príncipe Felipe d’Uviéu.

La familia Mayalde ye un grupu fundáu en Salamanca en 1980 por Eusebio Martín y Pilar Pérez, matrimoniu al qu’años más tarde se xunen los sos fíos, Laura y Arturo. Desenvuelven unu llabor de recuperación y estudiu de cantares per tierres castellanes y escuerren la divulgación d’estes producciones culturales al traviés de la organización de diversos conciertos.

Estos eventos realícense non solo a nivel nacional, sinón que tuvieron presencia en prácticamente la metá de los países europeos y dellos estaos del continente americanu. Amás, el llabor educativu ye unu de les traces que caractericen les sos actividaes nel campu de la tradición popular, de manera que nun s’amenorguen a apurrir accesibilidá cultural a la materia. El so fin ye didácticu y trata d’espertar l’interés de tolos públicos.