La I Yincana Xuvenil va buscar nel cascu históricu personaxes significativos d’Avilés

La I Yincana Xuvenil, na que van participar menores d’ente 10 y 16 años, va buscar nel cascu históricu personaxes significativos d’Avilés . Personaxes como Francisco Bárganos Candamo o Pedro Menéndez, xuntu con rincones urbanos como’l parque d’El Carbayedo o les estatues de Marta y María, van tar presentes nes distintes pruebes.

La conceyala de Mocedá, Raquel Ruiz, presentó esti llunes pasáu la primer edición de la Yincana Xuvenil d’Avilés, que va tener llugar esti próximu domingu 18 de payares, de 11 a 14 hores, nes cais y places del cascu históricu de la ciudá. Acompañó a la conceyala na presentación el responsable d’Oxetivu Escape, Pablo Morán, entidá co-organizadora del eventu xuntu al proyectu d’ociu alternativu y tiempu llibre “Güei sálese”, cola collaboración  del Conceyu d’Avilés.

L’actividá va desenvolvese por equipos formaos por mozos y moces d’ente 10 y 16 años que van percorrer los espacios públicos d’Avilés, afayando la so hestoria y a los personaxes que tuvieron un papel relevante nella. Raquel Ruiz destacó que por aciu esti eventu pretende apurrise a l’adolescencia d’Avilés xuna alternativa d’ociu lúdica que, coles mesmes, fórme-yos na hestoria y el patrimoniu local.

Personaxes como Francisco Bárganos Candamo o Pedro Menéndez, xuntu con rincones urbanos como’l parque d’El Carbayedo o les estatues de Marta y María, van tar presentes nes distintes pruebes a les que se van enfrentar los equipos. Si les superen, van consiguir un sellu acreditativu. L’equipu que consiga antes los dolce sellos va ser el ganador de la Yincana.

Pa participar nesta I Yincana Xuvenil d’Avilés ye necesaria la inscripción previa, bien unviando un corréu electrónicu a les direcciones hoysesaleporaviles@gmail.com y info@objetivoescape.com, o nos teléfonos 684 643 117 y 685 914 869. La inscripción ye totalmente gratuita