La escritora Rivera de la Cruz va presidir la Comisión de Cultura del Congresu

La diputada de Ciudadanos Marta Rivera de la Cruz va ser la nueva presidenta de la Comisión de Cultura nel Congresu. Rivera de la Cruz reconoció que son tiempos “complicaos” pa la política, pero espera qu’esta comisión sirva “pa llevantar pontes” cola sociedá civil y la cultura.

La escritora indicó qu’esiste una “desafección de la cai cola vida política” que se ganaron “a pulsu”. Sicasí, destacó que na anterior llexislatura yá tuvo na Comisión de Cultura –onde exerció vocera– y sosprendió-y gratamente por s’una xunta “de guante blancu, onde s’aplaudía la intervención de cada diputáu”.

“Gustaríame enforma que se caltuviera esti ambiente, coles naturales discrepancies que pudiera haber, porque somos de distintos grupos, pero, pela mio parte voi faer tou porque les coses funcionen bien”, señaló Rivera de la Cruz, que sustitúi al so compañeru de partíu Toni Cantó quien tuvo al mandu de esti órganu na anterior llexislatura.

La mesa completenla’l vicepresidente primeru, el popular Santiago Pérez; el vicepresidente segundu, el socialista Odón Elorza; el secretariu primeru, Miguel Anxo Fernández d’En Marea (Xuníos Podemos); y el diputáu d’ERC, Fransesc Javier Eritja.