La Casa de Cultura d’Avilés acueye la esposición Clandestines

La Casa Municipal de Cultura d’Avilés acueye hasta el 13 d’agostu, la esposición Clandestines, obra de l’artista uvieina María Peña Coto. El conceutu d’esta amuesa ye multidisciplinar: abarca dende la pintura a la instalación, pasando pol colax y otros formatos.

L’amuesa ta concebida espresamente pa la so esposición nel equipamientu cultural avilesín. Según la mesma autora, nesta esposición combinen reflexones que parten de la esperiencia de viaxar y falen de lluches y retos globales”. Una visión inspirada na observación de la vida en grandes urbes de distintos continentes, na que se entreven les desigualdaes que les pueblen. Los derechos de les muyeres nestos contestos son tamién oxetu de la obra de María Peña Coto.

Dalgunes de les obres que s’esponen en “Clandestines” fueron pintaes, en palabres de María Peña, “en países onde tán prohibíes, nos que nun se podría falar d’elles”, mientres otres “cruciaron l’Atlánticu en barcu, escondíes en contenedores de vinu, y delles otres tuvieron perdíes mientres meses n’oficines de correos”, señala.

“Clandestines” va poder visitase na Casa Municipal de Cultura (Plaza Domingo Álvarez Acebal, 2) hasta’l 13 d’agostu, con entrada llibre. Va Tar abierta al públicu colos siguientes horarios: de 11 a 13 y 18 a 21 hores y de 11 a 13 hores.