Félix Bravo espón na Casa Cultura de Grau

La Casa Cultura de Grau acueye una esposición del pintor asturianu Félix Bravo, que va tar abierta hasta’l 14 de febreru, n’horariu de cinco a nueve de la tarde per selmana y de 12 a 15 y de 17 a 21 hores, los sábados, abriendo los domingos de 12 a 15.

Félix Bravo ye un pintor asturianu diplomáu en Belles Artes en Barcelona. Al empiezu de la so carrera artística espunxo cásique namás en sales n’Asturies, pero a partir de 1983 la so obra rompió fronteres y entamó a esibise n’espacios pal arte y galeríes de prestíu de ciudaes del restu del estáu y tamién nel estranxeru, en grandes capitales como Bruxeles, París, Xinebra, Nueva York…

Amás espunxo en museos de Castiella La Mancha añu 2009, añu 2010 en Suecia, Nueva York y Grecia, amás de na Feria d’Arte de Marbella en setiembre de 2010.

Ta en posesión de dellos premios consiguíos en certames estatales, y les sos obres formen parte de diverses colecciones particulares y d’instituciones como Caxa Burgos, Caxa España, etc.

Escoyíu nel primer Certame Internacional de Pintura en Torremolinos. Figura como artista nel Anuariu d’Artistes añu 2000. Arte y Patrimoniu, S.A., editora de ‘El Punto de las Artes’ , tamién en revistes de Barcelona y Asturies, nel Catálogu de la Feria d’Arte Contemporanéu de Sevilla y Marbella nel 2009.

Páxina del pintor asturianu