Ésitu d’audiencia de la Gala de la Música Asturiana, emitida n’asturianu pela TPA

Esti domingu 23 retresmitióse en directu la Gala de la Canción Asturiana na televisión autonómica asturiana, la TPA. El programa presentáronlu Sonia Fidalgo y Xosé Ambás n’asturianu, como yá ficieren va dellos meses col Memorial Silvino Argüelles de Tonada. Los resultaos de l’audencia acompañaron a esti espaciu nel que participaron artistes como Carlos Rubiera, el grupu Verdasca o Anabel Santiago.

Un 9,5% d´audiencia y 9.000 espectadores recibió la gala dende Mieres. El tercer programa con más porcentaxe del día na TPA, dempués de la película “Pistoleros del Infierno” (9,7%) y la primer edición del teledariu (9,6%). Un datu bien interesante teniendo en cuenta que la media del día foi del 6,5%.