Entamen les visites didáctiques d’El bagul de les semeyes: la Fototeca, a xeitu

Esti martes 19 entamen les visites didáctiques d’El bagul de les semeyes: la Fototeca, a xeitu nel Muséu del Pueblu d’Asturies en Xixón.

Les fotografíes constitúin un importante activu dientro de les colecciones municipales de Xixón. El so valor documental y, n’ocasiones, artísticu tesciende la mera considerancia de ser alcordances del pasáu, pos tres la mirada del fotógrafu y a lo llargo de les décades foise configurando la memoria individual y colectivo de la ciudá. Nesta actividá vamos conocer a xeitu la Fototeca del Muséu del Pueblu d´Asturies: vamos visitar el so arquivu para ver como s’almacenen y caltienen les imaxes, vamos poder ver delles fotografíes orixinales de la esposición Semeyes: Xixón al traviés de la Fotografía y conocer los recursos que dende’l Muséu ponemos a disposición  de la ciudadanía para espublizar la colección.

Muséu del Pueblu d’Asturies:

• 19 de xunetu de 2022 a les 11:30
• 2 d’agostu de 2022 a les 17:00
• 27 d’agostu de 2022 a les 11:30