Portada Conceyos Abre la esposición Toma de Tierra nel Botánicu Atlánticu

Abre la esposición Toma de Tierra nel Botánicu Atlánticu

by redacción asturnews

L’Acción Cultural Española (AC/Y), nel marcu del XACOBEO 21-22 ufierta un proyectu p’Asturies que foi desenvueltu pola artista Lorena Lozano, de la Plataforma Econodos. Nél propónnos una “Toma de tierra” col Camín de Santiago pa transitar ente la voz popular, la hestoria de la vexetación y la imaxe científica, que va poer vese nel Botánicu Atlánticu.

L’Acción Cultural Española (AC/Y), nel marcu del XACOBEO 21-22, entamó ya impulsó “Xacobeo. Una ruta polos territorios del nuesu imaxinariu”, un proyectu que aúna el patrimoniu cultural inmaterial y la creación artística contemporanea. Participen: Andalucía, Aragón, Asturies, Cantabria, Castiella y Llión, Estremadura, Galicia, La Rioxa.

El proyectu p’Asturies foi desenvueltu pola artista Lorena Lozano, de la Plataforma Econodos. Nél propónnos una “Toma de tierra” col Camín de Santiago pa transitar ente la voz popular, la hestoria de la vexetación y la imaxe científica.

Tola información del proyectu na web d’Acción Cultural Española (AC/Y):

https://xacobeo.accioncultural.es/

¿Qué ye Toma de Tierra?

“Toma de tierra” ye un diálogu sobro la flora, la memoria oral y la ciencia amosáu en trés partes.

La primera desenvolvióse a partir d’alcuentros y talleres entamaos con persones mayores del territoriu de los Oscos, A Veiga y Santo Adriano (Asturies) los pasaos meses d’abril y mayu. Estes conversaciones grabáronse n’audiu p’arrexuntar un arquivu col que s’ellaboró xuna obra artística abierta dende güei al públicu na Caseta de Baños del Xardín Botánicu Atlánticu de Xixón.

La segunda parte amuesa xuna colección de fotografíes de pólenes de plantes autócotonas feches por aciu microscopia, en collaboración colos servicios técnicos de la Universidá d’Uviéu.

La tercer exa d’esta obra ye xuna instalación “homenaje” a la caxa de Ward, fundamental pal treslláu de granes ente distintos llugares del planeta nel sieglu XIX

¿Ónde s’enmarca Toma de Tierra?

Acción Cultural Española (AC/Y), nel marcu del XACOBEO 21-22, entamó ya impulsó “Xacobeo. Xuna ruta polos territorios del nuesu imaxinariu”, un proyectu de calter autonómicu, colaborativo y interdisciplinar en redol al patrimoniu cultural inmaterial y la creación artística contemporanea. El comité asesor del proyectu ta formáu por: Natalia Balseiro, Marta Oliveres, Jose Miguel Lorenzo Apuertes, Fernando Pérez y Mateo Feijóo.

Pal desenvolvimientu del proyectu nacional, AC/Y cuntó cola collaboración del Institutu del Patrimoniu Cultural d’España (IPCE) y de la Dirección Xeneral d’Industries Culturales, Propiedá Intelectual y Cooperación, del Ministeriu de Cultura y Deporte.

Gracies a la complicidá de la Subdireición Xeneral de Cooperación Cultural coles Comunidaes Autónomes, y nel marcu del Conseyu Xacobéu, sumáronse a esti proyectu, ocho comunidaes autónomes venceyaes al Camín de Santiago: Asturies, Andalucía, Aragón, Cantabria, Castiella y Llión, Estremadura, Galicia y La Rioxa, amás de la collaboración de Navarra.

La participación de les Comunidaes Autónomes foi esencial, tanto na selección de les manifestaciones culturales, como no relativo a la identificación d’entidaes y asociaciones locales coles que trabayar nel desenvolvimientu de los proyectos artísticos.

Otros collaboradores

Nel proyectu, comisariado por Natalia Balseiro y Marta Olivares, collaboraron los conceyos de San Martín d’Ozcos, Santalla d’Ozcos, A Veiga y Vilanova d’Ozcos, xuntu col programa “Rompiendo distancies” del Principáu d’Asturies.

Ecomuséu La Ponte trabayó la memoria colectiva sobro plantes y salú reproductiva nel conceyu de Santo Adriano.

“Rompiendo distancies” ye un proyectu qu’avera servicios y oportunidaes a les persones mayores del mundu rural d’Asturies.

Econodos ye xuna plataforma abierta de ceadores y artistes que trabayen nel ámbitu de les ecoloxíes del pensamientu, la sociedá y el medioambiente. Ente los sos oxetivos ta’l responder a los retos de la sociedá actual creando pontes ente l’arte y la ciencia.

Xardín Botánicu Atlánticu de Xixón
Del 19 de xunetu de 2022 al 23 de setiembre de 2022

Tamién te podria gustar