Empecipien otra vuelta los cursos del proyectu “Conecta Joven”

El proyectu “Conecta Joven” daba empiezu’l xueves 11 a les 18:00 hores nuna nueva edición na que 7 mozos voluntarios d’Avilés van dar clase d’informática básica a 20 persones mayores que deseyen aprender a usar les nueves tecnoloxíes.

Les clases impartense nes aules d’informática del C.P. Palacio Valdés y del Centru Europa. La formación ye de 20 hores, dos díes a la selmana -martes y xueves- y de 18:00 a 20:00 hores.

“Conecta Joven” ye un proyectu educativo y social d’ámbitu estatal impulsáu dende’l Serviciu de Mocedá del Conceyu d’Avilés. Nél, nuevos voluntaries/vos de 15 a 20 años enseñen informática básica a persones mayores que, por distintes razones, tienen mayor dificultá nel accesu a les nueves tecnoloxíes.

Esti proyectu ta basáu nuna metodoloxía concreta llamada aprendizaxe-serviciu. Los oxetivos del proyectu son:

Promover la participación de los mozos como axentes promotores de la sociedá de la información y de la inclusión social.
Reforzar les relaciones ente adolescentes, adultos, la redolada educativo y comuñal.
Promover el trabayu en rede ente la comunidá educativa y les asociaciones locales, con una dimensión comuñal.
Amenorgar la fienda dixital ente la población con menos recursos y con más dificultaes d’accesu a la sociedá de la información.